Waa Maxay npm?
npm (Node Package Manager) waa tool terminal-ka lagu isticmaalo oo packages-ka JavaScript lagu soo shubo, lagu maamulo, scripts-ka project-kana lagu fuliyo. Node.js markaad computer-kaaga ku shubto, npm wuu la socdaa.
Sidoo kale loo yaqaan
npm, npm-ka, NPM, npx
Sharaxaad
Code walba naftaada uma qorto. Qof kale ayaa horay u qoray oo package ahaan u saaray internet-ka, npm-na waa suuqa laga soo qaato. Markaad npm install dhahdo, package-ka iyo waxa uu isagu u baahan yahay waxay ku soo degayaan folder-ka node_modules. Folder-kaas si dhakhso ah ayuu u weynaadaa: mararka qaar 300MB ilaa 400MB. Sidaas darteed GitHub-ka lama saaro; .gitignore ayaa loogu daraa, qofka code-kaaga soo qaatana npm install ayuu dhahaa oo isagu ayaa dib u dhisanaya.
Xogta oo dhan waxay ku qoran tahay package.json: magaca project-ka, liiska packages-ka iyo scripts-ka. Scripts-ku waa amarro gaagaaban: npm start project-ka bilow, npm run build version-ka production-ka diyaari, npm run dev server-ka horumarinta fur. npx waa mid ka duwan: tool ayuu mar keliya u shaqaaliyaa adigoo aan ku shubanin, sida npx create-next-app. Talo: package walba ha soo dejin. Package kastaa waa code qof kale, sidaas darteed magaca hubi, download-yadiisa fiiri, oo mid la dayactiro dooro.
Tusaale
npx create-next-app@latest my-app
cd my-app
npm install
npm run dev
Afar sadar: project cusub samee, gudihiisa gal, packages-ka soo shub, kadibna server-ka horumarinta fur. Kadib localhost:3000 ayaad furaysaa.
Halkee ayaad Dugsiiye ku baranaysaa?
npm, package.json iyo backend-ka Node.js: Node.js Backend & REST API. Aasaaska luqadda: Baro JavaScript Af-Soomaali. Project-ka ugu horreeya ee React: Baro React JS Af-Soomaali.
Video-ga
Daawo meesha uu ereygu kaga hadlayo
Bilaabista Project-ka iyo Create React App 8:26
Koorsooyinka
Halkan ayaad si buuxda uga baran kartaa
Su'aalo
Su'aalaha badanaa la weydiiyo
- npm, yarn iyo pnpm farqigoodu waa maxay?
- Saddexdaba isla shaqada ayay qabtaan. yarn iyo pnpm way ka dhakhso badan yihiin oo meel yar ayay qaataan. Project kasta hal mid keliya u isticmaal, si lock file-ku uusan is-khilaafin.
- Cilad markay soo baxdo maxaan sameeyaa?
- Inta badan node_modules iyo lock file-ka tirtir, kadibna `npm install` dib u dheh. Haddii ay adkaato, cilad-sheegga koobiyi oo Google gee: link-ga ugu horreeya inta badan xalka ayaa ku jira.
Ereyo la xiriira
Sii wad akhriska
Waa Maxay package?
Package waa xirmo code ah oo qof kale diyaariyay, oo aad project-kaaga ku soo dejisato oo isticmaasho, si aadan shaqada mar kale u qorin. Python-ka math iyo Node-ka express labaduba waa packages.
Waa Maxay terminal?
Terminal waa barnaamij computer-ka amarro qoran lagu siiyo, halkii mouse lagu isticmaali lahaa. Waxaa sidoo kale la yiraahdaa command line ama CLI (Command Line Interface).
Waa Maxay React?
React waa library JavaScript ah oo Meta (Facebook) samaysay, loona isticmaalo dhisidda user interface-ka websites-ka iyo apps-ka. Waa tool-ka frontend-ka ugu caansan adduunka.
Waa Maxay server?
Server waa computer had iyo jeer shaqaynaya oo aqbala requests-ka ka yimaada isticmaalayaasha, database-ka xogta ka soo qaada, jawaabtana soo celiya. Waa dhinaca aan user-ku arkin ee app-ka.