Waa Maxay OpenAI?

Sharaxaad

Dadka badankood OpenAI waxay ku yaqaanniin ChatGPT, laakiin dhinaca developers-ka waxay ku taallaa API-ga. Isla awoodda aad chat-ka kaga hadasho ayaad app-kaaga ku dhex isticmaali kartaa: qoraal soo saar, sawir fahan, code qor, xog kala saar. Models-kooda waxaa ka mid ah taxanaha GPT, models-ka sawirka iyo codka, iyo embeddings, oo ah aasaaska RAG-ga. Habka wicitaanku waa fudud: prompt ayaad dirtaa, jawaab ayuu soo celiyaa.

Sida shirkadaha kale, OpenAI wuxuu ku shaqeeyaa tokens: waxa aad gelinayso iyo waxa uu soo saarayo labadaba waa la tiriyaa. API key ayaad samaysanaysaa, .env ayaadna ku qarinaysaa; marnaba frontend-ka ha ku dhex qorin. Suuqu waa isbeddel joogto ah: OpenAI, Anthropic iyo Google mid walba mar ayuu hormuud noqdaa, marna dib ayuu u dhacaa. Sidaas darteed app fiican wuxuu u qaabaysan yahay in model-ka si fudud loo beddelo, halkii hal shirkad lagu tiirsanaan lahaa.

Tusaale

Copy
const completion = await openai.chat.completions.create({
  model: "gpt-4o-mini",
  messages: [{ role: "user", content: prompt }],
});

Koorsada SaaS-ka, wireframe-ka user-ku xariiqo ayaan OpenAI u dirnaa, wuxuuna noo soo celiyaa HTML, Tailwind CSS iyo JavaScript diyaar ah. Prompt gudaha, code dibadda.

Halkee ayaad Dugsiiye ku baranaysaa?

Sida OpenAI API loogu dhiso chat app, RAG iyo agents: AI Engineering Masterclass. Aasaaska: Waa Maxay AI? iyo Waa Maxay LLMs?