Waa Maxay DeepSeek?
DeepSeek waa shirkad Shiineys ah oo soo saartay models AI ah oo open source ah, kuwaas oo computer-kaaga lagu run-gareyn karo. Model-kooda ugu caansan waa R1, kaas oo reasoning sameeya.
Sidoo kale loo yaqaan
DeepSeek-ka, DeepSeek R1, DeepSeek-ga
Sharaxaad
Waxa DeepSeek buuqa u dhaliyay waa laba arrin. Kow, reasoning-ka. Models-kii hore su'aal markaad weydiiso jawaabtii isla markiiba way soo tufi jireen; nooca reasoning-ka ah wuu fikiraa intuusan jawaabta bixin, sida qofka wax xisaabinaya. Laba, model-ku waa open source, sidaas darteedna qof kastaa wuu soo dejisan karaa, mana baahna API online ah iyo lacag bille ah.
Computer-kaaga waxaad ku run-gareysaa Ollama, oo ah tool models-ka local-ka ah maamula. Model-ku wuxuu ku yimaadaa cabbiro kala duwan: 1.5 billion, 7 billion, 8 billion iyo kuwo ka waaweyn. Tirooyinkaasi waa parameters-ka lagu tababaray, waxayna sheegayaan awoodda uu computer-kaagu u baahan yahay. Haddii GPU-gaagu yar yahay, midka yar dooro; haddii uu xoog leeyahay, midka weyn ayaad qaadan kartaa. Sidoo kale waxaad ka isticmaali kartaa API ahaan adigoo maraya OpenRouter, halkaas oo hal API key lagaga gaadho models badan.
Tusaale
ollama run deepseek-r1:8b
Hal amar oo terminal-ka lagu qoray. Model-ku computer-kaaga ayuu ku shaqeeyaa, internet lama baahna marka la wacayo, xogtaaduna guriga ayay ku hadhaysaa. Kadib waxaad chat app yar u samaysan kartaa oo isla model-kaas kula hadasho.
Halkee ayaad Dugsiiye ku baranaysaa?
Sida models-ka kala duwan loo isticmaalo, loona isbarbardhigo, kuwa open source-kana loo dhex geliyo app real ah: AI Engineering Masterclass. Casharka bilaashka ah: Isticmaal AI Open Source Walba.
Video-ga
Daawo meesha uu ereygu kaga hadlayo
Hordhaca DeepSeek iyo Local AI 0:00
Koorsooyinka
Halkan ayaad si buuxda uga baran kartaa
Su'aalo
Su'aalaha badanaa la weydiiyo
- DeepSeek ma bilaash baa?
- Models-kiisa open source-ka ah computer-kaaga waad ku run-gareyn kartaa oo waxba kaama baxayaan marka aad soo dejiso. Haddaad API cloud ah isticmaasho, isticmaalka ayaa lagu xisaabiyaa.
- DeepSeek mise ChatGPT?
- Shaqada ayaa go'aaminaysa. Su'aalaha adag iyo code-ka models-ka waaweyn ayaa ku fiican. Xog aad rabto inay computer-kaaga ku hadho ama tijaabo bilaash ah, DeepSeek oo local ah ayaa habboon.
Ereyo la xiriira
Sii wad akhriska
Waa Maxay model?
Model waa barnaamij AI ah oo xog aad u badan lagu tababaray (training), si uu su'aal markaad weydiiso jawaab u soo saaro. ChatGPT, Claude, Gemini iyo LLaMA mid walba waa model.
Waa Maxay open source?
Open source waa software-ka code-kiisa dadweynaha loo furay, si qof kastaa u akhriyo, u isticmaalo, uuna wax uga beddelo shuruudo la caddeeyay. Lidkiisa waa closed source, oo code-ka gudaha shirkadda ku hadho.
Waa Maxay Ollama?
Ollama waa tool bilaash ah oo models-ka AI ee open source, sida DeepSeek, LLaMA iyo Qwen, computer-kaaga ku run-gareeya. Internet, API key iyo lacag toona uma baahna.
Waa Maxay OpenAI?
OpenAI waa shirkadda AI-ga ee samaysay ChatGPT iyo models-ka GPT. Waxay sidoo kale bixisaa API, oo developers-ku awoodda AI-ga kaga dhex dhisaan applications-kooda.
Waa Maxay API key?
API key waa xarfo iyo lambarro adeeg API ah kuu siiyo si markaad wacdo uu kuu aqoonsado. Waa furaha albaabka: qofkii haysta ayaa magacaaga ku isticmaali kara adeegga.