Waa Maxay client?

Sharaxaad

App kasta oo internet-ka ah laba dhinac ayuu leeyahay: mid waa server, midna waa client. Client-ku wuxuu maamulaa waxa muuqda: bogagga, buttons-ka, forms-ka iyo dareenka isticmaalaha. Server-ku wuxuu maamulaa xogta, logic-ga iyo amniga. Labadu waxay ku wada hadlaan API.

Farqiga ugu muhiimsan waa kalsoonida. Code-ka client-ka qof kastaa wuu arki karaa oo wuu beddeli karaa, sidaas darteed shay muhiim ah halkaas laguma xisaabiyo. Password-ka lagama hubiyo client-ka, credits-ka lagama jaro client-ka, API key-gana halkaas laguma qoro. Waxa client-ku qabto waa soo bandhigid iyo weydiin. React-ka, component-ku wuxuu noqon karaa client component ama server component: kuwa hooks-ka isticmaala, sida useState iyo useSession, waa inay client noqdaan, maxaa yeelay browser-ka ayay ku shaqeeyaan. Marka aad taas fahanto, qaladaadka ugu badan ee Next.js waad ka baxaysaa.

Tusaale

Copy
"use client";
const { data: session } = useSession();
return <p>Salaan, {session?.user?.name}</p>;

Component-kani browser-ka ayuu ku shaqeeyaa, sidaas darteedna hook-ga session-ka wuu isticmaali karaa. Xogta laftigeeda server-ka ayaa lagu hubiyay; client-ku wuxuu soo bandhigayaa magaca oo keliya.

Halkee ayaad Dugsiiye ku baranaysaa?

Farqiga client iyo server, hooks-ka iyo isku xirka API-ga waxaad ku baranaysaa barnaamijka Full Stack AI Engineer. Sidoo kale, cashar bilaash ah oo aad ku aragto laba dhinacba: koorsada React-ka.