Waa Maxay DeepSeek? Model-ka Reasoning-ka ah ee Adduunka ka Qaylisiiyay

DeepSeek waa model AI ah oo shirkad Shiinees ah samaysay, kaas oo buuq weyn ka dhaliyay dunida technology-ga. Qoraalkan waxaad ku fahmaysaa waxa uu yahay, waxa uu kaga duwan yahay models-kii hore, iyo sida aad computer-kaaga ugu run-gareyn karto adigoo aan internet u baahnayn.

Video ahaan halkan ka daawo:

Reasoning models: ka fikirid ka hor jawaabta

Models-ku laba nooc ayay yihiin. Kuwii hore, sida GPT-4 caadiga ah, su'aal markaad weydiiso jawaabtu way iska soo tufaysay: shan shan ku dar, toban ayay iska dhahayeen, iyagoon ka fikirin.

Reasoning models-ka cusub, sida DeepSeek R1 iyo o1, intaanay jawaabta ku siin ayay ka fikiraan, sida bini'aadamka oo kale. Waxaad arkaysaa thinking process-ka: "marka hore waxaan u baahanahay inaan isku daro labadan number", su'aalo ayuu isweydiinayaa, mararka qaarna isagaa is-saxaya: "kani ma sax baa mise waa qalad? Maya, qalad ayuu ahaa, kan ayaa sax ah". Kadib markuu thinking-ka dhammeeyo ayuu jawaabta kuu soo saaraa. Taasi waa sababta reasoning models-ku waqti u qaataan.

Maxay dunida uga qaylisiisay?

OpenAI iyo shirkaduhu waxay ku doodi jireen in model noocan ah tababarkiisu u baahan yahay awood aad u xoog badan iyo billions of dollars. Qolada DeepSeek waxay yiraahdeen: keliya waxaan u baahannahay lacag aad uga yar, waliba side project ayuu ahaa, ma ahayn project-ka weyn ee shirkaddu ka shaqaynayso.

Saamayntu waxay ahayd mid taariikhi ah: NVIDIA, shirkadda GPU-yada ugu badan soo saarta, hal maalin ayay suuqa lacag aan hore loo arag ku khasaartay, cinwaannada adduunka oo dhanna arrintan ayaa qabsatay.

Sida computer-kaaga loogu run-gareeyo (Ollama)

Waxa DeepSeek gaar ka dhigaya: waa open source, computer-kaaga ayaad ku run-gareyn kartaa adigoo aan internet iyo API toona u baahnayn. Xogtaaduna meelna uma baxayso: wax walba computer-kaaga ayay ku dhex yaallaan, taasina waa game changer xagga privacy-ga.

Waxaad isticmaalaysaa Ollama, oo loogu talagalay in open source models computer-kaaga lagu run-gareeyo:

ollama run deepseek-r1:8b

Billions-ka maxay yihiin? 1.5B, 7B, 8B iyo 70B waa parameters-ka model-ka lagu tababaray. Waxay ka turjumayaan awoodda computer-kaagu u baahan yahay: haddii VRAM-kaagu yar yahay, 1.5B isticmaal; haddii RAM badan haysato, sida 64GB, 8B iyo wixii ka sarreeyaba waad qaadi kartaa oo response fast ah ayaad helaysaa.

Su'aalo kasta ayaad weydiin kartaa: xisaab, code React ah, aqoon guud. Model-ka 8B oo keliya, code decent ah ayuu kuu qorayaa, isagoo thinking-ka ku tusaya inta uusan qorin.

Su'aalo badanaa la weydiiyo

DeepSeek ma bilaash baa? Open source models-ka, sida R1, computer-kaaga waad ku run-gareyn kartaa lacag la'aan. Hal mar oo keliya ayaad internet ugu baahan tahay markaad soo degsanayso, inta kale isagaa kuu shaqaynaya.

Computer noocee ah ayaan u baahanahay? Model-ka yar (1.5B) computer caadi ah ayuu ku shaqeeyaa. Kuwa waaweyn waxay u baahan yihiin RAM iyo VRAM badan. Ka bilow kan yar, arag sida uu kuugu shaqeeyo.

Reasoning models-ka ma ka fiican yihiin kuwii hore? Su'aalaha adag, sida xisaabta iyo code-ka, haa: is-saxidda iyo thinking-ka ayaa jawaabta hagaajiya. Su'aalaha fudud, kuwii hore ayaa ka degdeg badan.

Tallaabada xigta

Sida LLMs-ku guud ahaan u shaqeeyaan halkan ka akhri: Waa Maxay LLMs?. Haddii aad rabto inaad models-kan wax ku dhisto, AI Engineering Masterclass ayaa Af-Soomaali kuugu dhigaysa, waddada oo dhanna Mentorship-ka Dugsiiye ayaad ka helaysaa.