Waa Maxay Full-Stack Development
Full-Stack Development waa marka developer uu isku mar yaqaan dhinaca hore ee software-ka (Frontend) iyo dhinaca gadaal ee qarsoon (Backend). Waa xirfad isku dhafan oo qofka ka dhigta inuu ka shaqeyn karo dhammaan meelaha software-ka, laga bilaabo muuqaalka user-ku arko ilaa server-ka xogta kaydiya.
Frontend, sidaan hore uga hadalnay, waa wajiga hore: HTML, CSS, JavaScript iyo frameworks sida React, Vue, ama Angular. Backend waa halka xogtu taala: Node.js, Django, Laravel, iyo databases sida MySQL, MongoDB, ama PostgreSQL. Marka labadan dhinac la isku daro, waxaa la dhahaa developer-ku waa Full-Stack Developer.
Waxaa jira stacks caan ah oo la isticmaalo:
MERN Stack: MongoDB, Express.js, React, Node.js.
LAMP Stack: Linux, Apache, MySQL, PHP.
Bal qiyaas makhaayad. Frontend waa menu-ga quruxda badan ee macaamiishu arkaan. Backend waa jikada gadaasha ee cuntada lagu kariyo. Full-Stack Developer waa qofka yaqaan sida menu loo naqshadeeyo iyo sida cuntada loo kariyo. Qofkaas wuxuu awood u leeyahay inuu makhaayad dhan isku maamulo, xitaa haddii uu keligii shaqeynayo.
Marka Soomaaliya la eego, Full-Stack Developers waa fursad weyn. Ganacsiyada yaryar iyo startups badan ma awoodaan inay shaqaaleeyaan koox badan oo kala duwan, sida frontend, backend, iyo devops. Halkaas waxaa ka soo muuqda Full-Stack Developer oo awood u leh inuu mashruuc dhan sameeyo design ilaa deployment. Caafimaadka, ganacsiga, iyo waxbarashada waxaa lagu saleyn karaa nidaamyo digital ah oo hal qof ama labo qof oo Full-Stack ah sameeyaan bilow ilaa dhamaad.
Full-Stack waa xirfad qaaliga ah ee developer-ka ka dhigta mid dhammaystiran. Waa isku darka naqshad iyo mishiin, muuqaal iyo maskax, hore iyo gadaal. Noqo Full-Stack Developer.
More like this
Waa Maxay ExpressJS
Express.js waa framework fudud oo xoog badan oo loogu talagalay Node.js. Waa qalab ka dhigay dhisida backend iyo APIs mid sahlan, nadiif ah, isla markaana la fahmi karo.
Waa Maxay Prisma
Prisma waa ORM (Object Relational Mapper) casri ah oo loogu talagalay in uu fududeeyo sida developers-ka ula macaamilaan database-yada. Halkii aad ku qori lahayd SQL queries gacantaada,
Waa Maxay Backend Development
Backend Development waa laf-dhabarta software-ka. Waa halka hawlaha qarsoon oo dhan ka socdaan, inkasta oo user-ka kaliya uu arko interface-ka quruxda badan ee frontend-ka.