Express.js waa framework fudud oo xoog badan oo loogu talagalay Node.js. Waa qalab ka dhigay dhisida backend iyo APIs mid sahlan, nadiif ah, isla markaana la fahmi karo. Haddii Node.js uu yahay gaariga, Express waa wadaha ku hagaya jihada saxda ah.

Express.js wuxuu bixiyaa qaab dhismeed fudud oo lagu maareeyo routes, HTTP requests, iyo middleware. Halkii aad koodh dheer qori lahayd si aad u maamusho GET, POST, PUT, ama DELETE, Express wuxuu kuu oggolaanayaa in hal sadar lagu sameeyo. Tusaale:

app.get('/users', (req, res) => { res.send('List of users'); });

Hal sadar ayaa ku filan si aad u abuurto endpoint dhammeystiran.

Middleware waa qaybta kale ee muhiimka ah ee Express.js. Waa code dhex mara request iyo response, sida ilaalinta (authentication), logging, ama xog hubin. Middleware waa sida waardiye albaabka yaalla: qof kasta oo soo galaya, marka hore isaga ayuu maraa.

Bal qiyaas makhaayad. Node.js waa jikada lagu diyaariyo cuntada. Express waa maareeyaha dalabka — qof walba wuxuu qaabilaa dalabkiisa, wuxuu hubiyaa lacagta, wuxuuna dirayaa amarka cuno saneynta ee jikada. Middleware-kuna waa ilaalinta albaabka, hubinaya qofka uu yahay iyo haddii uu leeyahay rukhsad.

Express.js wuxuu caan ku yahay simple + powerful. Waxaa lagu dhisaa APIs, web servers, iyo xitaa microservices. Waxaa si fiican ula shaqeeya MongoDB, Prisma, iyo JWT authentication, taasoo ka dhigaysa mashruucyada backend ee casriga ah kuwo fudud in la dhiso.

Express.js waa lafdhabarta Node.js backend-ka. Waa framework-ka isku daraya fudayd, awood, iyo xasillooni. Qof kasta oo developer ah waa inuu bartaa Express.js si uu u fahmo sida web services, APIs, iyo server logic dhab ahaan u shaqeeyaan.